ਤਾਜਾ ਖਬਰਾਂ
ਕੈਂਸਰ ਨਿਦਾਨ ਅਤੇ ਇਲਾਜ ਦੇ ਖੇਤਰ ਵਿੱਚ ਇੱਕ ਮਹੱਤਵਪੂਰਨ ਕਦਮ ਵਜੋਂ, ਆਈਓਸੀਐਲ (IOCL) ਦੀ ਕਾਰਪੋਰੇਟ ਸਮਾਜਿਕ ਜ਼ਿੰਮੇਵਾਰੀ (CSR) ਪਹਿਲਕਦਮੀ ਤਹਿਤ ਹੋਮੀ ਭਾਭਾ ਕੈਂਸਰ ਹਸਪਤਾਲ ਅਤੇ ਖੋਜ ਕੇਂਦਰ, ਨਿਊ ਚੰਡੀਗੜ੍ਹ ਵਿੱਚ 2 ਅਪ੍ਰੈਲ 2026 ਨੂੰ ਇੱਕ ਅਤਿ-ਆਧੁਨਿਕ 3 ਟੇਸਲਾ (3T) MRI ਸਕੈਨਰ ਸਹੂਲਤ ਦਾ ਉਦਘਾਟਨ ਕੀਤਾ ਗਿਆ। ਇਸ ਉੱਚ-ਤਕਨਾਲੋਜੀ ਸਕੈਨਰ ਦੀ ਲਾਗਤ ਲਗਭਗ ₹16 ਕਰੋੜ ਹੈ।
ਉਦਘਾਟਨ ਸਮਾਰੋਹ ਵਿੱਚ ਡਾ. ਅਸ਼ੀਸ਼ ਗੁਲੀਆ, ਡਾਇਰੈਕਟਰ, HBCH & RC Punjab, ਨੇ IOCL ਦੇ ਨਿਰੰਤਰ ਸਹਿਯੋਗ ਲਈ ਧੰਨਵਾਦ ਕੀਤਾ ਅਤੇ ਇਸ ਨਵੀਂ ਸਹੂਲਤ ਦੀ ਮਹੱਤਤਾ 'ਤੇ ਜ਼ੋਰ ਦਿੱਤਾ। ਉਨ੍ਹਾਂ ਨੇ ਕਿਹਾ ਕਿ IOCL ਵਰਗੀ ਪ੍ਰਮੁੱਖ PSU ਦਾ ਸਮਰਥਨ ਕੈਂਸਰ ਮਰੀਜ਼ਾਂ ਲਈ ਸ਼ੁਰੂਆਤੀ ਨਿਦਾਨ ਅਤੇ ਸੁਚਾਰੂ ਇਲਾਜ ਪ੍ਰਕਿਰਿਆ ਵਿੱਚ ਬੇਹੱਦ ਮਦਦਗਾਰ ਹੈ।
ਬਿਭੂਤੀ ਰੰਜਨ ਪ੍ਰਧਾਨ, ਕਾਰਜਕਾਰੀ ਨਿਰਦੇਸ਼ਕ (ਕਾਰਪੋਰੇਟ ਕੋਆਰਡੀਨੇਸ਼ਨ ਅਤੇ CSR), IOCL ਨੇ ਕਿਹਾ, “ਸਿਹਤ ਸੰਭਾਲ ਹਰੇਕ ਸਮਾਜਿਕ ਜ਼ਿੰਮੇਵਾਰੀ ਦਾ ਮੁੱਖ ਹਿੱਸਾ ਹੈ। ਇਸ 3T MRI ਸਕੈਨਰ ਨਾਲ ਉੱਚ-ਗੁਣਵੱਤਾ ਵਾਲੇ ਡਾਇਗਨੌਸਟਿਕ ਨਿਧਾਨ ਅਤੇ ਇਲਾਜ ਤੱਕ ਸੁਵਿਧਾ ਪਹੁੰਚਾਉਣ ਵਿੱਚ ਮਦਦ ਮਿਲੇਗੀ।”
ਆਸ਼ੂਤੋਸ਼ ਗੁਪਤਾ, ਕਾਰਜਕਾਰੀ ਨਿਰਦੇਸ਼ਕ ਅਤੇ ਸਟੇਟ ਹੈੱਡ, ਪੰਜਾਬ ਸਟੇਟ ਆਫਿਸ, IOCL ਨੇ ਕਿਹਾ, “ਇਹ ਪਹਿਲਕਦਮੀ ਪੰਜਾਬ ਦੇ ਲੋਕਾਂ ਪ੍ਰਤੀ IOCL ਦੀ ਸਮਰਪਣਤਾ ਦਾ ਪ੍ਰਤੀਕ ਹੈ। ਨਵੀਂ ਤਕਨਾਲੋਜੀ ਨਾਲ ਕੈਂਸਰ ਮਰੀਜ਼ਾਂ ਲਈ ਸ਼ੁਰੂਆਤੀ ਖੋਜ ਅਤੇ ਇਲਾਜ ਦੇ ਨਤੀਜੇ ਵਿੱਚ ਅਰਥਪੂਰਨ ਫਰਕ ਆਏਗਾ।”
3T MRI ਸਕੈਨਰ ਵਧੇਰੇ ਰੈਜ਼ੋਲਿਊਸ਼ਨ ਅਤੇ ਤੇਜ਼ ਸਕੈਨ ਸਮੇਂ ਵਾਲੀ ਸਭ ਤੋਂ ਅਧੁਨਿਕ ਇਮੇਜਿੰਗ ਤਕਨਾਲੋਜੀ ਹੈ। ਇਸ ਨਾਲ ਟਿਊਮਰਾਂ ਦੀ ਸਹੀ ਪਛਾਣ, ਬਿਮਾਰੀ ਦੇ ਵਿਕਾਸ ਦਾ ਵਿਸ਼ਲੇਸ਼ਣ, ਅਤੇ ਇਲਾਜ ਯੋਜਨਾਬੰਦੀ ਵਿੱਚ ਸੁਧਾਰ ਆਏਗਾ। ਇਹ ਸਹੂਲਤ ਖੇਤਰ ਦੇ ਕੈਂਸਰ ਮਰੀਜ਼ਾਂ ਲਈ ਬਿਨਾਂ ਉਡੀਕ ਸਮੇਂ ਦੇ ਸ਼ੁਰੂਆਤੀ ਨਿਦਾਨ ਅਤੇ ਸੁਚਾਰੂ ਇਲਾਜ ਪ੍ਰਦਾਨ ਕਰੇਗੀ।
Get all latest content delivered to your email a few times a month.
